Су-34 истребитель-бомбардировщигы Волгоград өлкәсендә планлы өйрәнү-күнекмә очышын башкарганда һәлакәткә юлыкты, дип хәбәр итә РФ Саклану министрлыгы.
Хәрби ведомство белдерүе буенча, һава судносының экипажы уңышлы катапультацияләнгән. Хәзерге вакытта очучыларның тормышына берни дә янамый. Билгеләп үтелгәнчә, очкыч аз кеше яши торган районга килеп төшкән, бу мөмкин булган корбаннар һәм җимерелүләрдән саклап калган.
Якынча мәгълүматлар буенча, авариянең сәбәбе очкычның техник төзексезлегендә булырга мөмкин. Һәлакәтнең төгәл шартлары компетентлы органнар үткәрәчәк тикшерү барышында ачыкланачак.
