Миңнеханов Казан Кремлендә туристлар белән фотога төште
Татарстан Рәисе Рөстәм Миңнеханов республика башкаласына килгән туристлар белән Казан Кремлендә фотога төште. Фотосурәтләр белән кыска сөйләшүләренең видеоязмасын ул үзенең Telegram-каналында урнаштырды.
«Казан Кремлендә туристлар! Рәхим итегез!» – дип язган ТР Рәисе.
Видеода туристларның берсе Миңнехановка төркеменең Казанда беренче тапкыр булуы һәм бирегә Волгоградтан килүе турында әйтә.
Фото: © ТР Рәисе телеграм-каналы
2023 елда Татарстанга туристлар агымы 4,2 миллион кешегә кадәр артты. Шул ук вакытта Казанда 2024 елда туристлар агымы 10-15 процентка артачак дип көтелә.
Элегрәк РФ Президенты Владимир Путин төбәкләрдә эчке туризмны үстерүнең аеруча мөһим булуын билгеләп үтте. «Россиянең туристлык өлкәсен озак вакытлы, ышанычлы, нәтиҗәле итеп үстерү өчен бар нәрсәсе дә булуы мөһим», - дип саный ул.
Видео ТР Рәисе телеграм-каналыннан