Дәүләт хезмәтләрендә армия хезмәтеннән IT-кичектерүгә гаризалар кабул итү башланды
Дәүләт хезмәтләре порталында IT-өлкәдә эшләүче белгечләрдән көзге чакырылышта армия хезмәтеннән кичектерүгә гаризалар кабул итү башланды. Бу хакта РФ Цифрлы үсеш, элемтә һәм массакүләм коммуникацияләр министрлыгы телеграм каналында хәбәр ителә.
Мондый мөмкинлектән исемлектә санап үтелгән бер белгечлек буенча югары белеме булган, хәрби чакырылыш башлану датасы алдыннан килгән ел дәвамында 2024 елның 11 августына кадәр аккредитация узган ИТ-компанияләрдә хезмәт килешүе буенча ким дигәндә 11 ай эшләүче 18-30 яшьлек россиялеләр файдалана ала.
«Эш бирүче үзенең шәхси кабинетында мәгълүматларны тикшерергә һәм расларга, соңыннан аларны 11 августка кадәр РФ Цифрлы үсеш, элемтә һәм массакүләм коммуникацияләр министрлыгына җибәрергә тиеш», - диелә ведомство хәбәрендә.
Эш бирүче хезмәткәрләрне исемлеккә мөстәкыйль рәвештә кертә ала. Министрлыкта ачыклык кертүләренчә, университет тәмамлаганнан соң бер ай эчендә эшли башлаучыларга стажга карата таләпләр кагылмый.
- Гаризалар 6 августка кадәр кабул ителәчәк, РФ Цифрлы үсеш, элемтә һәм массакүләм коммуникацияләр министрлыгы август ахырына кадәр мәгълүматны РФ Саклану министрлыгына тапшырачак. Комиссия кичектерү буенча карарны 1 октябрьдән 31 декабрьгә кадәр кабул итәчәк.