Казанда «Батыр» контракт буенча хәрби хезмәткә рәсмиләштерү үзәгенең рәсми сайты эшли башлады. Бу потенциаль контрактчылар өчен мәгълүмат алу һәм гаризалар бирү процессын шактый гадиләштерде.
Яңа веб-ресурста үзәк турында тулы мәгълүмат, шул исәптән хәрбиләр өчен түләүләр, ташламалар һәм гарантияләр турында детальләр тәкъдим ителгән. Сайтка керүчеләр кандидатларга карата таләпләр, махсус хәрби операция уздыру зонасында кирәкле белгечлекләрнең актуаль исемлеге, шулай ук рәсмиләштерү өчен кирәкле документлар исемлеге белән таныша ала.
Сайтның төп өстенлекләренең берсе – кире элемтәгә гариза калдыру мөмкинлеге. Бу үзәк белгечләренә кызыксынучы кандидатлар белән оператив рәвештә элемтәгә керергә мөмкинлек бирә.
Воровский урамы, 25 йорт адресы буенча урнашкан «Батыр» үзәге «бердәм тәрәзә» принцибы буенча эшли. Бу исә рәсмиләштерү вакытын шактый кыскарта – процесс тулысы белән бер тәүлектән дә артык вакытны таләп итми. Көн саен үзәк 15тән 30га кадәр кешене кабул итә.
Казан мэры Илсур Метшин инициативасы белән, хәрби хезмәткә контракт төзегән гражданнар өчен бер тапкыр бирелә торган 300 мең сум күләмендә муниципаль түләү каралган. Моннан тыш, 31 июльгә кадәр контракт төзүчеләр өчен түләүләрнең гомуми суммасы 1,5 миллион сумга җитәргә мөмкин.
