Татарстанның Әлмәт районы волонтерлары махсус хәрби операция зонасына СИП-кабель җибәрде. Аның өчен акчаны районы халкы җыйган. Кабель белән беррәттән хәрбиләргә дарулар, газлы сулар, кием-салым да җибәргәннәр. Җирле волонтерлар шефлык ярдәмен беренче генә җибәрми инде. Күптән түгел алар автомобиль өчен дә акча җыйган.
«Безгә бер хәрби мөрәҗәгать итте. Үз позициясеннән икенче авылга сузу өчен 4 километр кабель кирәк. Ул яктырту һәм ризык әзерләү өчен кирәк», – дип сөйләгән волонтер Гүзәл Зуйкова.
Гүзәл Новотроицкое авылында яши. Ул волонтерлар штабын биш ел элек төзегән. Ханым сүзләренчә, фикердәшләр командасы туплау җиңел булмаган. Башта шәһәр һәм район халкы булышкан, акча җыюларны оештырганнар. Хәзер штаб хәрбиләр өчен дә эшли.
«Безнең авылда хәрбиләр күп. Бу күңелгә сеңеп калды. Төн йокысын йокламыйча көтүче аналар. Үз уллары турында сөйлиләр», – дигән волонтер.
Кабель сатып алу өчен акчаны район халкы җыйган. Аның белән бергә волонтерлар носкилар, дарулар, су да җибәргән. Бу беренче мәртәбә генә җибәрүләре түгел. Кайбер партияләрне җыйганда күрше төбәкләр дә катнашкан.
«Бездә бөтен Әлмәт, Новотроицкое, Аппак булышты. Район тулаем алганда яхшы ярдәм итте. Башкортстан да булышты», – дип аңлатты Гүзәл Зуйкова.
Бу штаб ярдәме хәрби хәрәкәтләр зонасына өченче мәртәбә килә инде. Волонтерлар үз сафларына теләгән бар кешене кабул итә. Моның өчен Шевченко урамы, 144 йорт адресы буенча мөрәҗәгать итәргә кирәк.
Хәзер потенциаль хәрбиләр өчен килешү шартлары тагын да кызыклырак. Татарстанда бер тапкыр 1,5 миллион сумга кадәр алырга була, хәрбиләргә ай саен 210 меңнән башлап акча түләнә. Арттырылган түләүләрне 2024 елның июнь-июль айларында алырга була. Тулырак 8 (800) 222-59-00 телефонына шалтыратып белешергә була.
Махсус хәрби операция Россия Президенты Владимир Путин карары буенча 2022 елның 24 февраленнән бирле уздырыла. Хакимиятләр махсус операция куелган максатларына ирешкәнче дәвам итәчәк дип берничә мәртәбә әйтте. Бу арасында Россия иминлеген гарантияли торган шартлар булдыру максаты да бар.
Язма Елена Бауэр ярдәме белән әзерләнде
