Казанда 2 миллиард сумга авиация заводының яңа корпусын төзиячәкләр
Казанда «Туполев» гавами акционерлык җәмгыятенең радиотехник үлчәүләр корпусын төзиячәкләр. Тендер дәүләт сатып алулары порталында барлыкка килде.
Бәясе 2 миллиард сумга якын булган төзелеш эшләре шәһәрнең Авиатөзелеш районында урнашкан Сергей Горбунов исемендәге Казан авиация заводы территориясендә үткәреләчәк. Эшләр Берләшкән авиатөзелеш корпорациясенең «Туполев» гавами акционерлык җәмгыятенең устав капиталына кертеме хисабына финансланачак.
Эшләрне башкару вакыты – контракт төзелгән көннән алып 12 ай. Заказчы булып акционерлык җәмгыяте үзе тора.