Җирле Татар мәдәнияте үзәге барлык Томск халкын «Балалар өчен татар милли уеннары» программасына чакыра. Бу хакта Бөтендөнья татар конгрессы хәбәр итә.
25 июль һәм 8 августта 15:00 сәгатьтә Кәрим бай йорты ишегалдына килегез һәм мавыктыргыч татар мәдәнияте дөньясына чумыгыз, диелә әлеге хәбәрдә.
Программада кунакларга уңай тәэсирләр һәм яхшы кәеф бүләк итәчәк милли уеннар, конкурслар һәм күңел ачулар булачак, дип көтелә.
Безгә кушылырга, дуслар һәм гаиләгез белән онытылмаслык вакыт уздырырга чакырабыз, диелә хәбәрдә.
