Бүген һәм иртәгә, 17 һәм 18 июльдә, Татарстанда һава шартлары янәдән начарланачак. Бу хакта ТР Гидрометеорология үзәге кисәтә.
Чәршәмбе кичендә республикада урыны белән яшен көтелә (пәнҗешәмбе көндез һәм төнлә дә дәвам итәчәк). Шулай ук чәршәмбе кичендә җилнең секундына 15-20 метр, ә көндезге сәгатьләрдә урыны белән 23 метрга кадәр көчәюе фаразлана.
Моннан тыш, тәүлекнең якты вакытында аерым районнарда боз явуы ихтимал. Казанда исә яшен һәм җилнең секундына 15-20 метрга кадәр көчәюе көтелә.