19 июльдә 18.00 сәгатьтә «1930-елларның әдәби Казаны» экскурсиясе була. Экскурсиядә катнашу өчен теркәлү узарга кирәк.
«Казанның үзәк урамнарында заманында татар язучылары, әдәбият һәм матбугат белән тыгыз бәйләнгән урыннар буенча сәяхәт була. Классикларны хәтерли торган йортларны, татарча китаплар, газета-журналлар чыгарган нәшриятләр һәм басмаханәләрне, шәһәрнең әдәби картасы өчен мөһим нокталарны күрербез. Очрашу урыны: Кремль урамы, 35 (Ленин һәйкәле янында). Алып баручы: Татар китабы йорты мөдире Айдар Шәйхин», – дип хәбәр итә Ачык университет порталы.
