Татарстан медик волонтерлары җитәкчесе: Махсус операциягә даими рәвештә дарулар җибәрәбез
«Ярдәм янәшә» хәрәкәте Татарстан медик волонтерлары оешмасы белән берлектә даими рәвештә махсус хәрби операция зонасына җибәрү өчен дарулар җыюны игълан итә. Бу хакта «Ярдәм янәшә» хәрәкәте җитәкчесе урынбасары һәм «Медик волонтерлар» Бөтенроссия оешмасының төбәк бүлеге җитәкчесе Анна Мөбарәкшина «Җиңү армиясенә кушыл!» телемарафонында сөйләде.
«Гомумән алганда, хәрбиләрне медицина ягыннан тәэмин итү яхшы дәрәҗәдә. Без даими рәвештә дарулар җибәрәбез. Фармацевтика компанияләре аша гомуми җыю игълан итәбез. Безнең хәрбиләргә кирәкле ярдәм күрсәтелә. Кемдер махсус операция зонасында госпитальләрдә кала, ә кемдер төбәкләргә, шул исәптән Татарстанга җибәрелә», ‐ дип хәбәр итте ул.
Шул ук вакытта медик волонтерлар махсус хәрби операция зонасы һәм шефлык астындагы шәһәрләргә үзләре йөрми, чөнки алар әле студентлар. Әмма Мөбарәкшина сөйләвенчә, студент елларында оешма әгъзасы булган белгечләр бүгенге көндә алгы сызыкта эшли.
- Искәртик, Татарстанда 8.00 сәгатьтә «Җиңү армиясенә кушыл!» телемарафоны башланды. 12 сәгать дәвамында студиягә 60тан артык кунак, шул исәптән махсус операция катнашучылары, волонтерлар, медицина хезмәткәрләре, район башлыклары, артистлар һәм башкалар киләчәк. Шулай ук тамашачыларны күргәзмәләр, алгы сызыктан ерак булмаган урыннардан турыдан-туры кушылулар, «Безнең Геройлар» циклыннан фильмнар, хәрбиләр һәм аларның гаиләләренә тиешле төрле ярдәм чаралары турында мәгълүмат көтә.
- Трансляцияне «Татарстан – Яңа гасыр» һәм «ТНВ-Планета» каналларында, шулай ук «YouTube» һәм Татарстан Республикасының «ВКонтакте»дагы рәсми берләшмәсендә онлайн карарга мөмкин.
- Хәзер потенциаль хәрбиләр өчен контракт нигезендә хезмәт итү буенча тагын да яхшырак шартлар тәкъдим ителә. Татарстанда бер тапкыр 1,5 миллион сумга кадәр акча алырга була, һәр ай саен хәрбиләргә 210 мең сумнан артык акча түләнә. 2024 елның июнь-июль айларында арттырылган түләүләр алырга мөмкин.
- РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була.