Хәрби «Алга» батальоны турында: Башка төбәк егетләре үзләрен Татарстанныкы итеп хис итә

«Алга» батальоны җыелган гына чакта, хәрбиләр бер-берсе белән таныш та түгел иде, әммә ярты ел эчендә алар туганлашып беткән. Хәтта башка төбәкләрдән килүче яңа егетләр дә анда үзләрен Татарстанныкы итеп хис итә. Бу хакта «Алга» батальонының миномет батареясе старшинасы Леонид Курдюков «Җиңү армиясенә кушыл!» телемарафонында сөйләде.

«Батальон оештырылганда, берәү дә үзара таныш түгел иде, ләкин ярты ел эчендә барысы да туганлашып бетте. Безнең батальонның көче нәкъ менә шунда – бердәмлектә. Хәтта башка төбәкләрдән килүче егетләр дә, безгә килеп кушылгач, үзләрен Татарстанныкы итеп хис итә башлый», - дип елмайды хәрби.

Ул алгы сызыкта бик кирәк булган гуманитар йөкне еш җибәрүче Татарстанга ярдәм өчен аеруча рәхмәт белдерде.

• Хәзер потенциаль хәрбиләр өчен контракт нигезендә хезмәт итү буенча тагын да яхшырак шартлар тәкъдим ителә. Татарстанда бер тапкыр 1,5 миллион сумга кадәр акча алырга була, һәр ай саен хәрбиләргә 210 мең сумнан артык акча түләнә. 2024 елның июнь-июль айларында арттырылган түләүләр алырга мөмкин.
• РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була.