«Минем тавышым» онлайн-форумында Дәүләт Советына сайлаулар турында фикер алышачаклар
16 июльдә Татарстанда «Минем тавышым» онлайн-форумы башлана. Анда катнашучылар – федераль һәм төбәк экспертлары – Татарстан Дәүләт Советына булачак сайлауларга кагылышлы актуаль мәсьәләләр турында фикер алышачак.
Сайлауларга кандидатларны тәкъдим итү чоры тәмамланды. Форум катнашучылары сайлаучыларга ТР сайлау системасы алдында торган чакыруларны, сайлаулардан ниләр көтелүен, аларны үткәрү вакытында инклюзия принципларын һәм башка актуаль темаларны ачачак.
Форумда Дәүләт Думасының Контроль комитеты рәисе Олег Морозов, Татарстан Хезмәт министрлыгы башлыгы Эльмира Зарипова, сәяси консультант, «Дарвин теориясе» маркетинг коммуникацияләре агентлыгы генераль директоры Владимир Кутилов катнашыр дип көтелә. Форумны республика Үзәк сайлау комиссиясе рәисе Андрей Кондратьев алып барачак.
Трансляция 14.00 сәгатьтә «ВКонтакте» һәм «Одноклассники»дагы «Минем тавышым» төркемендә, шулай ук сайлаулар2024.онлайн сайтында башланачак. Тамашачылар экспертларга үзләрен кызыксындырган барлык сорауларны бирә алачак.
Искәртик, ТР Дәүләт Советы депутатларын сайлау 8 сентябрьдә Бердәм тавыш бирү көнендә узачак. Алтынчы чакырылыш Татарстан парламенты башкарган эш турында тулырак аның рәисе Фәрит Мөхәммәтшинның әңгәмәсен укып белергә була.