Ростов-на-Дону шәһәрендә Татарстан киносы көне узачак
14 июльдә «Вавилон» сәүдә-күңел ачу үзәгендәге «Чарли» кинотеатрында безнең һәм Ростов-на-Дону шәһәренең бөтен татар халкы өчен мөһим вакыйга – Татарстан киносы көне узачак. Бу хакта Бөтендөнья татар конгрессы хәбәр итә.
Тамашачылар 12:00 сәгатьтә Татарстанда төшерелгән 3 фильмны бер билет бәясенә карый алачак. Хәбәрдән аңлашылганча, тамашачыларны кино карау, фикер алышу һәм продюсер Миләүшә Айтуганова белән иҗади очрашу көтә.
Сезне Космонавтлар проспекты, 2/2 йорт адресы буенча урнашкан кинотеатрда бу якшәмбедә Татарстан киносы көне фестивалендә көтеп калабыз, диелә хәбәрдә.