Түбән Кама мэры Рамил Муллин шәһәр халкы белән очрашуларын дәвам итә. Бу хакта «Татар LIFE» сайты яза.
10 июльдә — Гагарин урамы, 16, 16а, 28; 11 июльдә — Химиклар проспекты, 72; 12 июльдә Сөембикә урамы, 9, (1 подъезд) 11, 13да яшәүчеләр белән очрашулар узды.
Аралашуларга халык күп җыела, алар бик җанлы әңгәмәләр рәвешендә уза. Күпләрне ишегалларын ремонтлау, кайнар су бирү, юлларны, йортларны төзекләндерү мәсьәләләре борчый. Актуаль мәсьәләләр һәм киләчәк проектлар турында фикер алышуда туган сораулар урыннарда хәл ителде. Шәһәрдәшләр җитәкчелек белән очрашулардан канәгать.
«Мондый сөйләшүләр, аралашулар кирәкле, безне борчыган күпчелек сораулар га җавап таптык», – ди алар.
