Чирмешән районының яшьләр эшләре һәм спорт бүлеге һәвәскәр балыкчыларны 13 июльдә үтәчәк «Оста балыкчы» («Клевый рыбак») ярышына чакыра. Бу хакта «Безнең Чирмешән» газетасы яза.
«Элмәле буасы» зонасында узучы бәйгедә барлык һәвәскәр балыкчыларны көтәләр. Бәйгедә гаилә белән дә катнашырга мөмкин. Конкурсантларга үзләре белән кармак алып килергә кирәк. Ярышлар иртәнге сәгать алтыда башлана. Җиңүчеләрне төрле номинацияләрдә бүләкләргә җыеналар. Яр буенда балык ашы (уха) пешерүчеләр дә үз осталыкларын күрсәтә алачак, аларны да бүләкләр көтә, диелә хәбәрдә.
