12 июль кичендә Татарстанда һава шартлары начарлану көтелә. Шулай ук шимбә төнендә һәм көндез дә шундый һава торышы фаразлана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республика территориясендә җил тизлеге секундына 15-18 метрга, Казанда 15 метрга кадәр көчәергә мөмкин.
Моннан тыш, көнчыгыш районнарда яшенле яңгыр көтелә.
Элегрәк «Татар-информ» агентлыгы хәбәр иткәнчә, атмосфера фронтлары төбәккә салкын көннәр алып килде. Мондый һава торышы атна ахырына кадәр дәвам итәчәк.
