Рөстәм Миңнеханов Казанда Гадәттән тыш хәлләр министрлыгы башлыгы Куренков белән очрашты
ТР Рәисе Рөстәм Миңнеханов белән Россия гадәттән тыш хәлләр министрлыгы башлыгы Александр Куренков Казанда очрашты һәм Татарстан янгын-коткару гарнизонының эше, гадәттән тыш хәлләрне кисәтү һәм бетерү системасын камилләштерү турында фикер алышты. Бу хакта республика җитәкчесенең матбугат хезмәте хәбәр итә.
Министр Казанга БРИКС илләренең гадәттән тыш ведомстволары башлыклары киңәшмәсендә катнашу өчен килде. Әлеге вакыйга Россия, Кытай, Берләшкән Гарәп Әмирлекләре, Белоруссия һәм Эфиопия вәкилләрен җыйды. Куренков киңәшмәнең югары дәрәҗәдә оештырылуын билгеләп үтте.