Дәүләт Думасы прокуратура һәм Тикшерү комитеты хезмәткәрләренә хәрби хезмәткә чакыруны кичектерергә мөмкинлек бирә торган законны икенче һәм өченче укылышта кабул итте, дип хәбәр итә «РИА Новости».
Закон проекты «Хәрби бурыч һәм хәрби хезмәт турындагы закон»га үзгәрешләр кертүне күздә тота. Прокуратура һәм Тикшерү комитеты хезмәткәрләре, тиешле белгечлек буенча югары уку йортын тәмамлаганнан соң, хәрби хезмәткә чакырылуын кичектерә ала алачак.
Хәзерге вакытта хәрби хезмәткә чакыруны кичектерү югары белеме һәм махсус званиеләре булган Эчке эшләр бүлеге, Янгынга каршы дәүләт хезмәте хезмәткәрләре, җинаять-башкару системасы учреждениеләре һәм органнары, мәҗбүри башкару органнары һәм РФ таможня органнарына бирелә, диелә закон проектының аңлатма язуында.
