Лаеш районы Габишево авыл җирлегендә яңа спорт залы һәм мәдәният йорты биналары актив төзелә. Бу хакта «Кама ягы» сайтында хәбәр ителә.
Яңа спорт комплексында футбол, волейбол, баскетбол белән шөгыльләнергә мөмкин булачак. Моннан тыш, анда тренажер залы эшләячәк.
Мәдәният йортының яңа бинасы, спорт залы кебек үк, 2024 ел башында төзелә башлады. Алар күптән ремонт таләп иткән Габишев мәдәни-спорт үзәге бинасын алыштырачак.
Барлык эшләр график буенча бара, дип хәбәр ителә.