Татарстан Республикасы премьер-министры урынбасары Фәнил Әгълиуллин шефлык астындагы Лисичанск шәһәре социаль объектларын ремонтлау эшләре барышы белән танышты. Хезмәттәшлек турында килешү имзаланганнан соң, шеф-төбәк шәһәрнең сәламәтлек саклау, мәгариф һәм мәдәният учреждениеләрен төзекләндерүне ышанып тапшырган җирле подряд оешмасы вәкилләре дә күчмә киңәшмәдә катнашты.
Фото: © «Татар-информ»
Хәзерге вакытта Лисичанскида ике гомуми белем бирү учреждениесендә ремонтлау эшләре тәмамлау стадиясендә.
Татарстан үткәргән капиталь ремонт нәтиҗәсендә мәктәпләр Россия стандартларына туры килә башлады – Фәнил Әгълиуллин яңа спорт заллары һәм ашханәләргә, белем бирү киңлеген оештыру һәм ял итү зоналарына югары бәя бирде. Вице-премьер игътибар иткән кечкенә кимчелекләр кыска вакыт эчендә бетереләчәк.
Лисичанскиның яңа кураторы исә быел Татарстан төзекләндерә башлаган социаль объектлардагы эшләрнең барышы белән танышты. Хәзерге вакытта шеф-регион өч учреждениедә – балалар һәм яшүсмерләр спорт мәктәбе, музыка мәктәбе һәм балалар бакчасында төзекләндерү эшләрен алып бара.
