Бүген Горький исемендәге паркта «Татарстан халыкларының җиде туе» бәйрәме узачак. Кичә «Тормыш агачы» проекты кысаларында оештырылган.
Кунаклар мәйданчыгында традицион туйлар тарихы турында интерактив программалар, татар туй йолалары, кисү, билбау һәм балчык уенчыклары ясау буенча мастер-класслар көтелә. Ә сәхнәдә этник композицияләр яңгырый.
Музыкантлар түбәндәге исемлек буенча чыгыш ясаячак:
18:00 – «Красная горка» ансамбле;
18:10 – «Риваять» этногруппасы;
18:20 – «Уяв» халык фольклор ансамбле;
18:50 – «Азвесям» триосы;
19:20 – «Мурсескем» ансамбле;
19:45 – «Пизелне» ансамбле;
19:50 – «Бермянчек» ансамбле;
19:55 – «Ак Тирек» җыр театры.
Бәйрәм программасы 18:00 сәгатьтә башлана. Керү ирекле, дип хәбәр итә Вахитов һәм Идел буе районнары администрациясе.
«Тормыш агачы» проекты тематик бәйрәмнәр аша төрле милләтләрнең тарихын һәм мәдәниятен ачып бирә. Мәсәлән, узган җәйдә йомгак кичәсе 3 мең кунакны җыйды. Ике сәгатьле программа Татарстанның җиде халкы вәкилләрен берләштерде. Килүчеләр өчен мастер-класслар, фольклор коллективлары чыгышлары һәм халык уеннары әзерләнде. Проектның яңа сезоны Россияда игълан ителгән Гаилә елына багышланган.