Россия җыелма командасы Казанда узучы БРИКС илләре Спорт уеннарында медаль зачетында вакытыннан алда җиңде.
Россия спортчылары исәбендә 173 алтын медаль бар. Моннан тыш, алар 101 көмеш һәм 69 бронза медаль яулады.
Икенче урында – 32 алтын, 56 көмеш һәм 68 бронза медальгә лаек булган Беларусь командасы. Өченчедә – Кытай җыелмасы, аның 17 алтын, 17 көмеш һәм 12 бронза медале бар.
Шул ук вакытта, турнир кысаларында 387 комплект медальнең 140гын уйнатасы калды. Шуңа бәйле рәвештә, Беларусь атлетларының ике дисциплинада катнашмаячагын да искәртик.