Россиядә беренче балаларның тууын стимуллаштыру чаралары кирәк. Бу хакта Россия хезмәт һәм социаль яклау министрының беренче урынбасары Ольга Баталина хәбәр итте. РИА Новости шул хакта яза.
«Төп демографик инструмент булып ана капиталы кала. Ана капиталы беренче балага да бирелә башлаганнан соң, беренче бала тууның суммар коэффициенты кимүдән туктатылды... Безгә беренче балаларның тууын стимуллаштыру өчен дә нидер эшләргә туры киләчәк, чөнки, халык санын алу мәгълүматлары буенча, 24 яшьтән өлкәнрәк репродуктив яшьтәге хатын-кызлар саны (әлегә балалары булмаган студентлар түгел) шактый югары булып кала», - диде Баталина Владивостокта «Ерак Көнчыгышның демографик үсеше» бөтенроссия конференциясенең пленар утырышында.
Аның сүзләренчә, бу бала табарга теләмәгән хатын-кызлар түгел, аларның төрле тормыш шартлары аркасында балалары юк. Аларның күбесе дәүләт хезмәтендә эшли.
«Мин дә бу хакта уйланырга тәкъдим итәр идем», - диде министр урынбасары.
