Россия Сәламәтлек саклау министрлыгы ботулизм симптомнарын санап чыкты
Ботулизм бактериясе китереп чыгара торган нейротоксин нерв системасын зарарлый, паралич сугуга һәм үлемгә китерергә мөмкин. Кагыйдә буларак, йоктыру чыганагы булып консерва, тозлы һәм ысланган балык, шулай ук ит тора. Бу хакта «Российская газета» яза.
Башлангыч этапта ботулизм белән зарарланган кешеләрдә күңел болгану, эч авырту һәм диарея күзәтелә. Нерв системасы зарарланган очракта пациентлар күз алдында икеләнүгә, йоту кыенлашу һәм сөйләм бозылуга зарлана. Иң авыр очрагы - сулыш алу катлаулану.
Табиблар суыткычта сакланган азык-төлекнең срогын күзәтергә һәм савыт-сабаны, өстәл приборларын һәм аш бүлмәсендә эш өстәлен чиста тотарга киңәш итә.
Басмада ботулизм токсины 10 минут дәвамында 100 градуска кадәр җылытканда тулысынча юкка чыгуы, әмма аның кояш яктысына һәм кислород тирәлегенә чыдам булуы турында язылган.
Ботулизм йоктыру очраклары Түбән Новгород өлкәсендә, Татарстанда һәм Мәскәүдә теркәлде. 100дән артык кеше хастаханәдә ята, шул исәптән реанимациядә авыр хәлдә булучылар бар. Зыян күрүчеләрнең барысы да өйгә китереп бирү хезмәте аша заказ биргән фасольле салатны ашаган булган.