Россиянең Татарстан Республикасы буенча Тикшерү комитеты «Локалкитчен» ҖЧҖ Мәскәү җитештерүчесенең «Лобио салаты»н кулланганнан соң төбәк халкын агулау факты буенча җинаять эше кузгаткан. Эш «куркынычсызлык таләпләренә җавап бирми торган хезмәтләр күрсәтү» маддәсе буенча кузгатылган.
Беренчел мәгълүматлар буенча, берничә кеше Казанның инфекцион хастаханәсенә әлеге салатны кулланганнан соң агулану симптомнары белән хастаханәгә озатылган. Татарстанда ботулизмга шикләнелгән 6 очрак теркәлгән.
Җинаять эшен тикшерү кысаларында тикшерүчеләр кирәкле гамәлләр үткәрәләр, куркыныч продукцияне алу өчен сату урыннарын билгелиләр. Татарстан Роспотребнадзоры гражданнарны әлеге җитештерүчеләрнең салатларын сатып алмаска һәм кулланмаска чакырды.
