Россия Федерациясе Хөкүмәте башлыгы Михаил Мишустин Россия мөселманнары Диния нәзарәте рәисе, мөфти Равил Гайнетдинне һәм илебез мөселманнарын Корбан бәйрәме белән котлады. Бу хакта Россия Мөфтиләр шурасы матбугат хезмәте хәбәр итә.
«Хөрмәтле мөфти! Сезне ихлас күңелдән Корбан бәйрәме белән котлыйм.
Ммиллионлаган дин тотучылар өчен изге урыннарга хаҗ кылу тәмамлану көне шәфкатьлелек, киң күңеллелек, якыннарыңны кайгырту турында искә төшерә. Бу уйланулар, рәхмәт белдерү һәм мәрхәмәт күрсәтү вакыты.
Мөселман өммәте илдә гражданнар тынычлыгын һәм татулыкны саклауга, гаилә институтын ныгытуга юнәлтелгән бурычларны хәл итүгә саллы өлеш кертә. Үсеп килүче буында Россия халыкларының милли гореф-гадәтләренә хөрмәт тәрбияләүдә зур эш башкара.
Чын күңелдән Сезгә һәм илебезнең барлык мөселманнарына ныклы сәламәтлек, бәхет һәм иминлек телим», - диелгән хәбәрдә.