Татарстанда 2024 елның гыйнвар-май айларында торак төзү күләме узган елның шул ук чоры белән чагыштырганда 14 процентка яки 2,2 миллион квадрат метрга кадәр арткан. Бу Федераль дәүләт статистикасы хезмәте (Росстат) мәгълүматларыннан аңлашыла.
Шулай ук гыйнвар-май айларында торак төзүнең иң зур күләмнәре теркәлгән төбәкләрнең берсе – Мәскәү өлкәсе (якынча 4,4 миллион квадрат метр). Шул ук вакытта биредә куллануга тапшыру 11 процентка кимегән. Шулай ук бу исемлектә Краснодар крае да бар (2,4 миллион квадрат метр, бу төбәктә дә күләмнәр 18 процентка кимегән), дип яза «РИА Новости».
Татарстанга караганда азрак торак төзү күләме Ленинград өлкәсе (1,8 миллион квадрат метр яки плюс 7 процент) һәм Дәгыстанда (1,7 миллион квадрат метр, әмма биредә күләм 2023 елның шул ук чорына карата биш тапкырга арткан) теркәлгән.
Гомумән, Россиядә 2024 елның биш аенда торак тапшыру узган елның шул ук чоры белән чагыштырганда 1 процент яки 43,8 миллион квадрат метрга кадәр арткан.
Илдә 30,8 миллион квадрат метр яки барлык тапшырылган мәйданнарның якынча 70 проценты төзелгән. 2023 елның биш ае белән чагыштырганда үсеш 21 процентны тәшкил итә.