Եվրո-2024․ Գերմանիան խոշոր հաշվով հաղթեց Շոտլանդիային
Եվրո-2024-ի առաջին խաղում Գերմանիան 5-1 հաշվով հաղթել է Շոտլանդիային։
Հանդիպման հաշիվը 11-րդ րոպեին բացել է Գերմանիայի կիսապաշտպան Ֆլորիան Վիրցը՝ դառնալով Եվրոպայի 2024 թվականի առաջնության առաջին գոլի հեղինակը:
Հանդիպման 18-րդ րոպեին գերմանացիների առավելությունը գեղեցիկ հարվածով կրկնապատկել է Ջամալ Մուսիալան:
45-րդ րոպեին շոտլանդացիների պաշտպան Ռայան Պորտեուսը ուղիղ կարմիր քարտ է ստացել կիսապաշտպան Իլկայ Գյունդողանի նկատմամբ խախտման համար: 45+1-ին րոպեին Գերմանիայի հավաքականի հարձակվող Կայ Հավերցը խփել է իր թիմի երրորդ գոլը՝ անվրեպ իրացնելով նշանակված 11 -մետրանոցը։
Գերմանիայի հավաքականի և Դորտմունդի «Բորուսիայի» հարձակվող Նիկլաս Ֆյուլկրուգը գոլի հեղինակ է դարձել Շոտլանդիայի հետ Եվրո-2024-ի մեկնարկային խաղում: 68-րդ րոպեին խփած փայլուն գոլի շնորհիվ 31-ամյա ֆուտբոլիստը հաշիվը դարձրել է 4:0:
Գերմանիայի հավաքականի պաշտպան Անտոնիո Ռյուդիգերը գրավել է սեփական դարպասը Եվրո-2024-ի՝ Շոտլանդիայի հետ մեկնարկային խաղում՝ դառնալով այս Եվրո-ի առաջին ինքնագոլի հեղինակը:
31-ամյա ֆուտբոլիստը խաղի 87-րդ րոպին գլխի հարվածով անզգուշորեն գրավեց թիմակից Մանուել Նոյերի դարպասն ու հաշիվը դարձրեց 1:4:
93-րդ րոպեին Էմրե Ջանը խփում է խաղի վերջին գոլը՝ հաշիվը դարձնելով 5-1։
Գերմանիայի հավաքականը վաստակել է երեք միավոր և զբաղեցրել առաջին տեղը A խմբում, Հունգարիայի և Շվեյցարիայի հավաքականներն իրենց հանդիպումը կանցկացնեն հունիսի 15-ին։