Россиянең Тышкы эшләр министрлыгы: Казанда БРИКС саммиты уңышның синонимы булырга тиеш
Казанда БРИКС саммиты чын стратегик партнерлык символы булырга һәм уңышны чагылдырырга тиеш. Моңа берләшмәдә катнашучы илләр көче белән ирешергә мөмкин. Бу турыда Россия тышкы эшләр министры урынбасары Сергей Рябков белдерде.
Бүген ул БРИКСка керүче илләрнең космик агентлыклары җитәкчеләре очрашуында катнашты.
«Шулай ук, быел Казанда берләшмәнең XVI саммиты уртак тырышлык белән уңыш синонимы булачак, БРИКС чын стратегик партнерлыгын чагылдыру булачак», - дип китерә ТАСС тышкы сәясәт ведомствосы җитәкчесе урынбасары сүзләрен.
БРИКС саммиты республика башкаласында 2024 елның 22-24 октябрендә уза, анда 26 дәүләт башлыгы чакырылган. Татарстан Рәисе Рөстәм Миңнеханов белдергәнчә, мондый дәрәҗәдәге вакыйганы уздыру - республика өчен зур дәрәҗә һәм җаваплылык.