Министрлар Кабинеты отставкага китәр алдыннан, Сергей Шойгу ачыклау ясаганда төшерелгән видео чыкты. Журналист Павел Зарубин аның белән телеграм-каналында уртаклашты.
«Хәзер бигрәк тә карарга кирәк булган кадрлар», - дип язган корреспондент һәм видео 6 майда хөкүмәт отставкага китәр алдыннан яздырылды, дип тә өстәгән.
Искәртик, элегрәк РФ Президенты Владимир Путин Шойгуны Иминлек советы сәркатибе вазифасына билгеләргә тәкъдим итте, элек анда Николай Патрушев эшләде. Ягъни 6 майдагы видеода Сергей Шойгу саклану министры вазифасында соңгы белдерүләренең берсен ясады.
Шойгу комментариясендә хөкүмәт эшенә бәя бирде. Ул билгеләп үткәнчә, соңгы 6 елда безнең дәүләт җитди нәтиҗәләргә иреште, өстәвенә иң катлаулы, авыр шартларда (пандемия, көнбатыш санкцияләр).
Ул шулай ук Путинның барлык хәлләрнең икътисади сугыш, Көнбатышның Россиягә каршы икътисади агрессиясе булуы турындагы фикере белән килеште.
«Нәрсәнедер үттек инде, яңа Кабинетка килүчеләргә тагын нидер узарга кирәк булачак», - дип йомгаклады Шойгу.
