Чиләбе өлкәсе татарлары конгрессы «Татар гаиләсе – 2024» конкурсында катнашу өчен гаризаларны 31 майга кадәр кабул итә. Бу хакта Бөтендөнья татар конгрессы хәбәр итә.
«Бу сезнең гаиләгезне үзенчәлекле итә торган тәҗрибә һәм гаилә традицияләре белән уртаклашу өчен искиткеч мөмкинлек. Әгәр сезнең гаиләгез шатлык, күңел ачу һәм үзара аңлашу чыганагы булса, татар телендә сөйләшсә, милли бәйрәмнәрне билгеләп үтсә, милли ризыклар әзерләсә, татар мәдәниятенә хөрмәт тәрбияләсә, бу конкурс сезнең өчен», диелә хәбәрдә.
Конкурска гаризаны Чиләбе өлкәсе татарлары конгрессының электрон почтасына җибәрергә кирәк: congresstatar174@mail.ru. Мәгълүмат 8351-729-32-78 телефоны буенча (эш көннәрендә 9.00дән 18.00гә кадәр).
