Хөкүмәт коммуналь тармакны яңарту программасын әзерләде, финанслау күләме 4,5 триллион сум тәшкил итә. Михаил Мишустин Дәүләт Думасында аның кандидатурасын Хөкүмәт Рәисе вазифасына караган вакытта шулай дип белдерде. Бу хакта ТАСС агентлыгы хәбәр итә.
«РФ Президенты Владимир Путин күрсәтмәсе буенча, Хөкүмәт коммуналь тармакны яңарту программасын әзерләде. Барлык чыганаклардан финанслау күләме 4,5 триллион сум тәшкил итә», - диде ул.
Аның сүзләренчә, бу 40 миллион граждан өчен торак-коммуналь хуҗалыгы хезмәтләренең сыйфатын күтәрергә мөмкинлек бирәчәк.
Президент күрсәтмәсе белән гамәлгә ашырыла башлаган коммуналь инфраструктураны яңарту программасы 2023-2027 елларга исәпләнгән, аның операторы – Территорияләрне үстерү фонды.
