Россия Президенты Владимир Путин православие христианнарын һәм Россия халкын Пасха, Христосның яңадан туу бәйрәме белән котлады.
Дәүләт башлыгы билгеләп үткәнчә, Россиядә Пасха тантаналары миллионлаган кешеләрне берләштерә һәм буыннан-буынга тапшырыла торган бай дини традицияләргә ия. Шулай ук алар безне яхшы эшләр башкарырга һәм үзеңне яхшы якка үзгәртергә омтылырга илһамландыра.
Путин котлавында шулай ук Рус православие чиркәвенең һәм башка христиан конфессияләренең иҗади, нәтиҗәле эшенең мөһимлеген билгеләп үтте. Аларның эшчәнлеге бай тарихи, мәдәни, дини мирасны саклауга, гаилә институтын ныгытуга, яшь буынны тәрбияләүгә, җәмгыятьтә төрле кыйммәтләр һәм әхлакый юнәлешләр раслауга юнәлтелгән. Алар арасында якыннарың турында кайгырту, шәфкатьлелек һәм мәрхәмәтлелек бар, ди Россия лидеры.
«Дини пастырьлар һәрвакыт халык белән булды. Һәм бүген, җитди чакырулар шартларында, христиан дини оешмалары мохтаҗларга нәтиҗәле, риясыз ярдәм күрсәтә», - дип китерә Путин сүзләрен Кремль матбугат хезмәте.
Искәртик, Россия Президенты, үткән елдагыча, төнге Пасха гыйбадәтенә Коткаручы Христос чиркәвенә килде. Шунысын да билгеләп үтәргә кирәк, анда гыйбадәтне Мәскәү һәм бөтен Русь Патриархы Кирилл үткәрде.