Чистай авыл хуҗалыгы техникумында мәктәпне тәмамлаучылар һәм аларның ата-аналары өчен төрле чаралар узды. Алар «Профессионалитет» федераль проектының Бердәм ачык ишекләр көне кысаларында узды. Чараларда 300дән артык укучы һәм 100 ата-ана катнашты. Бу хакта «Чистай-информ» сайтында Гүзәл Хәйруллина яза.
Булачак абитуриентлар «Эстетик косметология», «Эретеп ябыштыручы», «Пешекче-кондитер», «Авыл хуҗалыгы җитештерүен электрлаштыру һәм автоматлаштыру», «Судно йөртү», «Икътисад һәм бухгалтерлык исәп-хисабы», «Мәгълүмати системалар һәм программалаштыру» буенча һөнәри сынауларда катнашты. Аларның булачак һөнәрләрен үз өсләрендә «сынап карау» мөмкинлеге булды. Булачак абитуриентлар үз көчләрен төрле белгечлекләрдә сынап карады.
Шулай ук бу көнне техникумда мәктәпне тәмамлаучыларның ата-аналары өчен ата-аналар җыелышы узды. Аларны «Туризм һәм хезмәт күрсәтү өлкәсе» тармагының белем бирү кластерының «Профессионалитет» федераль проектының үзенчәлекләре белән таныштырды, шулай ук ата-аналар өчен белгечлекләр буенча мастер-класслар оештырылды һәм техникум буенча экскурсия үткәрелде.