Казанда Татарстанның төп Пасха гыйбадәтен Казан һәм Татарстан Митрополиты Кирилл җитәкләде. Дини литургия узган төндә Казанда Богородица ирләр монастыреның Изге Ана иконасы соборында узды.
Соборда йөзләрчә дин тотучы җыелды. Күпләр изгеләндерү өчен бәйрәм ризыклары - кулич һәм буялган йомырка алып килгән. Кемдер бу бәйрәм төнендә тәүбә кылырга һәм гөнаһлардан арыну өчен алдан килгән иде.
Төн уртасына ярты сәгать кала гыйбадәт кылу башланды, нәкъ төн уртасында митрополит Кирилл гыйбадәтне башлады. Озакламый дин тотучылар Тәре йөреше белән узачак.
Кичә көндез, Иерусалимда Изге каберлектә Бәрәкәтле изге утны алып чыктылар. Казанга аны 5 майда 16.00 сәгатьтә китерәләр. Аны Казан соборында каршы алачаклар, аннары шунда ук Бөек Пасха кичәсе башлана. Теләге булган һәр кеше Бәрәкәтле изге утның бер өлешен алырга мөмкин, моның өчен үзең белән лампада алып килергә кирәк.