Швеция НАТОга аризаси ноябр ойида Туркия томонидан ратификация қилинишини кутмоқда
Швеция Туркиядан НАТОга аъзолик аризасини яқин келажакда ратификация қилишини кутмоқда.
Бу ҳақда Швеция Вазирлар Маҳкамасига таяниб, маҳаллий ОАВ хабар берди, деб ёзади “Репорт”.
“Биз Туркия Швеция сўровини тез орада ратификация қилишни бошлашини кутамиз ва у бир неча ҳафта ичида тайёр бўлади”, — деди Вазирлар Маҳкамасидаги манба. Исмини ошкор қилишни истамаган манбанинг таъкидлашича, Швеция ҳукумати ноябр ойи охирида аллақачон НАТО штаб-квартирасида мамлакат байроғини кўтаришни режалаштирмоқда.
Эслатиб ўтамиз, Финляндия ва Швеция ўтган йилнинг май ойида Шимолий Атлантика алянсига қўшилиш учун ариза берган эди. Финляндия шу йилнинг 4 апрелида НАТОнинг 31-аъзосига айланди. Бироқ Швециянинг мурожаати ҳали ижобий натижа бермади.