Казан авиация заводында җитештерелгән Ту-214 урта магистраль пассажир лайнеры Red Wings авиакомпаниясе паркын тулыландырачак. Бу хакта Берләшкән авиатөзелеш корпорациясенең матбугат хезмәте үзенең Telegram-каналында хәбәр итә.
«Ильюшин Финанс Ко» авиализинг компаниясенә караган очкыч «әзерлек эшләре тәмамланганнан соң даими рейсларда файдалану өчен» авиаташучыга тапшырылачак.
Июнь аенда Казанга Россия Федерациясе Премьер-министры Михаил Мишустин килде. Аерым алганда, ул Ту-214 агрегат-җыю производствосының төзелүче цехында булды. Шул вакытта ул Татарстанга 41,8 млрд сум бүлеп бирү карары турында игълан итте, бу —билгеләнгән күрсәткечләргә «тиз темпта» ирешергә мөмкинлек бирәчәк, дип билгеләп үтте.
Соңрак, август аенда, Татарстан Рәисе Рөстәм Миңнеханов Россия Президенты Владимир Путинның Ту-214 очкычын җитештерүне елына 20 машинага кадәр арттыру бурычын үтәү өчен башта җитештерү куәтен арттырырга кирәклеген билгеләп үтте.