“მოკეტე, ვლადიმირ ვლადიმიროვიჩ, უბრალოდ მოკეტე” – რუსეთში ცნობილი დონბასელი სეპარატისტი იგორ გირკინი დააკავეს

რუსეთში ცნობილი დონბასელი პრორუსი სეპარატისტი, 2014 წლის მოვლენების აქტიური მონაწილე იგორ სტრელკოვ-გირკინი დააკავეს. ამის შესახებ Nexta live იუწყება.

სტრელკოვის ცოლის, იაროსლავა რეგინსკაიას ინფორმაციით, მათთან სახლში დაახლოებით 11.30-ზე რუსეთის საგამოძიებო კომიტეტის წარმომადგენლები მივიდნენ და იგორ გირკინი დაუდგენელი მიმართულებით წაიყვანეს.

ქმრის ადგილსამყოფელის შესახებ იაროსლავა რეგინსკაიამ არაფერი იცის. სხვადასხვა წყაროთი მან გაარკვია, რომ იგორ სტრელკოვის წინააღმდეგ აღძრულია სისხლის სამართლის საქმე 282-ე მუხლით (ექსტრემიზმი).

იგორ სტერლკოვ-გირკინი ე.წ. Z–პატრიოტებში შედის. ის უკრაინის წინააღმდეგ კიდევ უფრო რადიკალური ქმედებების მომხრე იყო, ბოლო დროს გირკინი ღიად აკრიტიკებდა რუსეთის თავდაცვის სამინისტროს, ხელისუფლებას და პირადად ვლადიმერ პუტინს.