Հայտնի է հայկական ակումբների՝ ԿԼ-ի 2-րդ փուլի առաջին խաղերի ժամանակացույցը
Կոնֆերենցիաների լիգայի որակավորման 2-րդ փուլի առաջին հանդիպումները կկայանան հուլիսի 27-ին։
ՀՖՖ մամուլի ծառայությունը ներկայացրել է հայկական 4 թիմերի հանդիպումների ժամանակացույցը։
Հայաստանի չեմպիոն «Ուրարտուն» առաջին խաղում կհյուրընկալվի Ռումինիայի չեմպիոն «Ֆարուլին»։ Հանդիպումը կկայանա «Վիտորուլ» ստադիոնում և կմեկնարկի Երևանի ժամանակով 21։00-ին։
Երևանի «Փյունիկը» նույն օրը, նույն ժամին Շվեդիայում կմրցի «Կալմարի» հետ։ Հանդիպումը կկայանա «Կալմար Արենայում»։
«Արարատ-Արմենիան» Ավանի ֆուտբոլի ակադեմիայի մարզադաշտում կհյուրընկալի հունական «Արիսին»։ Խաղի սկիզբը՝ 19։00։
«Ուրարտու» ստադիոնում «Ալաշկերտը» կընդունի հունգարական «Դեբրեցենին»։ Խաղը կմեկնարկի 19։00-ին։