Криштиану Роналдуга Гиннесснинг рекордлари китоби гувоҳномаси топширилди
Португалиялик ҳужумчи Криштиану Роналду ўз терма жамоаси сафида 200-ўйинни ўтказди. Исландияга қарши Евро-2024 саралаш босқичи доирасидаги ўйинда 38 ёшли футболчи томонидан урилган ягона гол Португалияга ғалаба келтирди.
Шу пайтгача, ҳеч бир футболчи ўз терма жамоаси сафида икки юзта ўйин ўтказмаганди. Гиннесснинг рекордлари китоби вакиллари кечаги ўйин арафасида Роналдуга рекорд натижа қайд этгани ҳақидаги гувоҳномани топширишди.
Бу борада Криштиануга энг яқин натижа қайд этган футболчи кувайтлик Бадир ал-Мутава бўлиб, у терма жамоа таркибида 196 та ўйинда қатнашган.