Татарстанда мобилизацияләнгән ир-атның кечкенә улы белән саубуллашу мизгелен видеога төшереп торганнар. Мобилизацияләнгән татарстанлыларның беренче төркемен бүген «Казан Экспо» базасындагы җыю пунктыннан озаттылар.
Йөзләгән кеше бирегә ирләрен, улларын, якыннарын озатырга килгән. Аларның күбесе күз яшьләрен тыя алмады.
«Татар-информ» мобилизацияләнүчеләрнең әзерлекнең киләсе этабына җибәрелүен хәбәр иткән иде. Ул Россиянең Үзәк хәрби округы территориясендә узачак. Хәрбиләр анда якынча бер ай булачак.
