Си Ҷинпин рӯзи 23-уми октябр бори сеюм раҳбари Чин интихоб шуд.
Рӯзи якшанбе ҷаласаи ХХ ҳизби Коммунистии Чин ба поён расид ва Ҷинпин котиби аввали ин ҳизб интихоб шуд, ки амалан Чинро идора мекунад.
Рӯзи шанбеи гузашта дар идомаи ин ҷаласса аз дохили толор Ху Сзинтао, раҳбари собиқи Чинро ду нафар аз дасташ гирифта берун карданд. Гуфта мешавад, эҳтимол ӯро боздошт кардаанд, вале ҳанӯз ҳукумати Чин инро тасдиқ ё рад накардааст.
Дар суханронии дусоата Ҷинпин барномаи худ дар бораи рушди Чин то солҳои 2035-ро муаррифӣ кард. Ӯ гуфт, ки иқтисоду маорифро рушд медиҳанд, саноатро пешрафта мекунанд ва ба истифодаи нерӯи “сабз”-и барқ мегузаранд.
Си Ҷинпин гуфтааст, ки тарафдори он аст, ки Тайван ба таври осишта ба Чин пайвандад, вале дар акси ҳол, омодаи истифодаи нерӯ ҳастанд.
Тайванро бархе кишварҳои дунё мустақил меноманд, вале Чин онро қаламрави худ ҳисоб мекунад ва солҳо боз талош дорад, онро ба итоати комили худ дарорад.