Милли китапханәдә - Халыкара конференция
14-16 октябрьдә Казанда Милли китапханәдә «Милли китапханәләр: үткәне һәм хәзергесе» дип исемләнгән Халыкара фәнни-гамәли конференция уза. Конференция Татарстан Республикасы Милли китапханәсе оешуга 150 ел тулуга багышланган чаралар циклына керә. Аңа Россия Федерациясе, якын һәм ерак чит ил китапханәләре җитәкчеләре һәм белгечләре, галимнәр һәм китапханәләрнең фәнни хезмәткәрләре, фәнни, белем бирә торган һәм иҗтимагый оешмалар вәкилләре чакырулы. Мәртәбәле чарада Зәй үзәк китапханәсе директоры Роза Вәлиева да катнаша.