Роналду Франция клубига ўтиши мумкин

«Манчестер Юнайтед» ҳужумчиси Криштиану Роналду фаолиятини Франция чемпионатида давом эттириши мумкин.

Журналист Никколо Чеккарини хабарига кўра, португалиялик футболчининг агенти Жорже Мендеш «Марсель» вакиллари билан музокара ўтказиб, эҳтимолий трансферни муҳокама қилган.

Аввалроқ, Роналдуда фаолиятини давом эттириш учун 2 та вариант қолгани ҳақида хабарлар тарқалган эди – «Боруссия Дортмунд» ёки «Спортинг Лиссабон».

Аммо «Боруссия» бош директори Ханс-Йоахим Ватцке 37 ёшли ҳужумчининг вакиллари билан музокара ўтказмаганини айтди.

Роналду бу мавсумда «МЮ» таркибида 2 та ўйинни ўтказди. «Брайтон»га (1:2) қарши баҳсни захирада бошлаб, иккинчи бўлимда майдонга туширилди. «Брентфорд»га (0:4) қарши тўлиқ ўйнади. Ҳар иккала баҳсда ҳам сермаҳсулликни намойиш этолмади.