სერგეი შოიგუ: …მთავარსარდალმა ვლადიმერ პუტინმა სწორი გადაწყვეტილება მიიღო
რუსეთის თავდაცვის მინისტრი სერგეი შოიგუ უკრაინაში რუსეთის მიერ დაწყებული სრულმასშტაბიანი შეჭრის შესახებ საუბრობს და ხაზგასმით აღნიშნავს, რომ „მთავარსარდალმა ვლადიმერ პუტინმა სწორი გადაწყვეტილება მიიღო“.
შოიგუს თქმით, „კიევის რეჟიმი“ 8 წლის განმავლობაში „დონეცკისა და ლუგანსკის სახალხო რესპუბლიკებში“ მოსახლეობას ჩაგრავდა.
„დაიღუპა ათასობით უდანაშაულო ადამიანი, მათ შორის ბავშვები. ამავე დროს, დაიწყო უკრაინის ტერიტორიის სამხედრო განვითარება, კიევმა ნატოსკენ აიღო გეზი. ეს ყველაფერი რუსეთის უსაფრთხოებისთვის დიდ საფრთხეს ქმნიდა, ამ ფონზე, თებერვალში, უზენაესმა მთავარსარდალმა სწორი გადაწყვეტილება მიიღო“, – აცხადებს შოიგუ.