Мажбурий ижро бюросининг Ангрен шаҳар бўлими томонидан алимент қарздорликлари билан боғлиқ ижро ҳужжатларини ижросини таъминлаш бўйича муйян ишлар амалга оширилмоқда. Бўлим томонидан жорий йилнинг июл ойининг ўтган даврида жами 349 млн. 820 минг сўм алимент пуллари ундирилиб, ундирувчиларнинг пластик карталарига ўтказиб берилган. Жумладан, бўлим иш юритувида фуқаролик ишлари бўйича Оҳангарон туманлараро судининг 16.01.2017 йилдаги суд буйруғига асосан қарздор Ангрен шаҳрида кўчасида яшовчи А.Ахмедовдан, ундирувчи Д.Ахмедова фойдасига 1 нафар фарзанди моддий таъминоти учун ¼ қисми миқдорда алимент ундириш белгиланган. Бюронинг Ангрен шаҳар бўлими томонидан жорий йилнинг 19 июль куни қарздор А.Ахмедовдан 63 млн. 632 минг сўм алимент пуллари ундирилиб, ундирувчи Д.Ахмедованинг АТБ “Алоқабанк” томонидан очилган пластик картасига ўтказиб берилди.
