უკრაინული სარდლობის ცნობით, ხერსონში გაანადგურეს რუსეთის კიდევ რამდენიმე სამხედრო ობიექტი
სარდლობის ცნობით, დადასტურებულია ქალაქ ხერსონის და ასევე, ბერისლავის და კახოვკის რაიონებში სამეთაურო და სამეთაურო-სამეთვალყურეო პუნქტების და საბრძოლო მასალების 6 საწყობის განადგურება.
სამხრეთის ოპერატიული სარდლობის თანახმად, მოწინააღმდეგემ დაკარგა 111 სამხედრო, 2 თვითმავალი საარტილერიო დანადგარი, უპილოტო საფრენი აპარატი, ჰაუბიცა და საავტომობილო და ჯავშანტექნიკა. რუსეთის თავდაცვის სამინისტრო ხერსონის ოლქზე საარტილერიო-სარაკეტო შეტევის შესახებ არაფერს იუწყება.
რუსეთის სამხედრო ძალები ხერსონის ოლქს მარტიდან აკონტროლებენ. მათ პოზიციებზე კონტრშეტევა უკრაინის არმიამ ივლისში დაიწყო, რასაც წინ უძღოდა ამერიკული სარაკეტო სისტემების მიღება.