МВР соопшти денеска дека се приведени две лица кои за време на протестите против францускиот предлог физички нападнале полициски службеници кои вршеле службени дејства.
„Единицата за насилен криминал – Одделение за насилен криминал при СВР Скопје ги приведоа К.С.(18) од Тетово и М.Д.(24) од Скопје затоа што на 5 јули во 21:00 часот, за време на одржување на јавен сoбир фрлале со камења кон полициските службеници и зградата на Собранието и физички нападнале полициски службеници кои вршеле службени дејства“, се вели во соопштението од МВР.
Приведени уште две лица за напад врз полицијата на протестите пред Собрание
Според соопштението, до надлежното обвинителство поднесена е кривична пријава за кривично дело „Учество во толпа што ќе изврши кривично дело“ по член 385 од КЗ, по што лицата се изнесени пред судија на претходна постапка.
