5 июньдә башкаланың «Ак чәчәкләр» бульварында бу сезонда беренче балалар базары узачак. Бу турыда Казан мэриясе хәбәр итә.
Махсус оештырылган базарда балалар үзләрен сатучылар ролендә сынап карый алачак – бәяне үзләре кую, сату яки шәхси әйберләре белән алмашу мөмкинлеге булдырыла. Чара 10:00 сәгатьтә башлана, дип хәбәр итә Казанның Парклар һәм скверлар дирекциясе матбугат хезмәте.
Акциягә килүчеләр өчен 10:00 сәгатьтә бульвар павильонында татар һөнәрчелеге мәктәбеннән туку буенча мастер-класс оештырылачак. 11:00 сәгатьтә инглиз теле буенча дәрес, 12:00 сәгатьтә рәсем дәресе була. Барлык дәресләр дә бушлай, алдан язылу сорала.