კომუნიკაციების კომისიამ „ალტ-ინფოს” წინააღმდეგ საჩივარი განსახილველად არ მიიღო
კომუნიკაციების კომისიამ „ალტ-ინფოს“ წინააღმდეგ საჩივარი განსახილველად არ მიიღო.
კომუნიკაციების კომისიას მიაჩნია, რომ „მაუწყებლობის შესახებ“ კანონით, ომის პროპაგანდის გავრცელების შემთხვევაში რეაგირება მხოლოდ მაუწყებლის თვითრეგულირების მექანიზმის ფარგლებშია შესაძლებელი. კომუნიკაციების კომისიამ საკითხის შესწავლისას მიიჩნია, რომ საჩივარში მოყვანილი მსჯელობები სცდება ცალკეული დანაშაულის გამართლების ფარგლებს და გადაცემაში ომის პროპაგანდის ნიშნები დაინახა.
„ომის პროპაგანდა თავისი არსით ისეთი დარღვევაა, რომლის გავრცელებაც, მოქმედი კანონმდებლობით, 24 საათის განმავლობაში სრულად იკრძალება. აქედან გამომდინარე, დაუშვებელია ის მხოლოდ არასრულწლოვნებზე მავნე ზეგავლენის მომხდენ გადაცემად მიიჩნეოდეს, ვინაიდან რომელ საათზეც არ უნდა გავრცელდეს ომის პროპაგანდის შემცველი ინფორმაცია მაუწყებლის ეთერში, ის ყოველთვის წინააღმდეგობაშია მაუწყებლობის შესახებ კანონის პრინციპებთან”, – წერს კომისია.
ვრცლად იხილე აქ